A voceira popular en Monforte, Katy Varela, explica que as modificacións aprobadas polo goberno local afectaron principalmente ao acceso de vehículos a zonas peonís así como ás zonas de carga e descarga e “a pesar de que se realizaron diversas alegacións por considerar a norma pouco flexible e moi prexudicial para os intereses dos pequenos autónomos da zona así como para os residentes, o goberno de José Tomé négase a modificala e flexibilizala”.

Consideran os populares que as modificacións realizadas por Tomé só teñen afán recadatorio, “a instalación do sistema de vídeo vixilancia nesas zonas foi unha acción totalmente confiscadora”. Despois de reunirse coa veciñazan afectada os populares solicitarán no vindeiro pleno que se modifiquen os artigos que fan referencia ao acceso ás zonas peonís para realizar tarefas de carga e descarga “ampliando o horario actual, que unicamente é de 5 horas, a 12 horas diarias, sendo coincidente co horario comercial. A realidade é que oito meses despois da modificación desta ordenanza constatamos que é altamente lesiva para os intereses económicos dos pequenos negocios, así como para os residentes”, sentenciou.

Por outra banda os populares tamén amosan o seu desacordo con que o Concello de Monforte pase a cobro as cuotas, trimestrais e anuais, aos usuarios da piscina e do ximnasio municipais, a pesar de que non se poden empregar estas instalacións xa que se vai a proceder a súa renovación.

A voceira popular, Katy Varela, explica que “o malestar entre os usuarios é enorme xa que ven como se lles está a cobrar por un servizo que non poden desfrutar. Ante esta situación, Katy Varela advirte que senón se dá unha solución inmediata aos usuarios afectados “presentaremos no próximo pleno unha iniciativa para que que expliquen que vai a facer o goberno local. Senón hai unha solución, José Tomé terá que informar publicamente sobre como van a proceder”.