HomePolíticaArmesto dá o relevo a Joaquín González como candidato do PP do...

Armesto dá o relevo a Joaquín González como candidato do PP do Saviñao

Juan Carlos Armesto, primeiro tenente de alcalde do Saviñao, será o candidato do Partido Popular á alcaldía do Saviñao, dándolle o relevo a Joaquín González, alcalde do Saviñao por maioría absoluta en oito ocasións. E Dámaso López, senador popular de Taboada, ven de ser nomeado membro de honra do Consello Xeral de Odontólogos e Estamatólogos.

Publicado o

- Advertisement -

Tras 27 anos no equipo de Goberno, o candidato popular á alcaldía do Saviñao, coñece de primeira man a realidade de cada un dos núcleos do concello. Foi, ademais, durante oito anos, presidente do Consorcio Turístico da Ribeira Sacra.

Juan Carlos Armesto foi presentado en Escairón, nun acto no que estivo acompañado de afiliados e simpatizantes, o propio alcalde do municipio e compañeiros do Partido Popular de Lugo encabezados pola súa presidenta provincial, Elena Candia.

Armesto agradeceu a presenza de todos os asistentes e a implicación do actual alcalde no impulso dun cambio á fronte da candidatura popular de cara ás eleccións municipais do vindeiro 2019. O novo candidato asume o reto de conseguir a continuidade do PP á fronte do Concello do Saviñao “traballaremos por constituír un goberno serio e crible”. Juan Carlos Armesto é tamén deputado provincial e exerce como vicevoceiro do Grupo Popular dende o 2015, no 2016 foi elixido secretario xeral do Partido Popular na provincia de Lugo e dende o 2017 preside a formación popular no municipio do Saviñao.

O senador popular, Dámaso López, membro de honra do Consello Xeral de Odontólogos e Estamatólogos 

E un popular dun concello limítrofe co Saviñao, o senador, Dámaso López de Taboada, vén de ser nomeado membro de honra do Consello Xeral de Odontólogos e Estamatólogos de España. Este recoñecemento pon en valor a traxectoria política de Dámaso Lopez e o compromiso coa medicina, profesión que exerceu durante 36 anos.

O nomeamento produciuse na Gala que o Consello Xeral de Odontólogos e Estomatólogos que se celebrou en Madrid, presidida pola Ministra de Sanidade.

Dámaso López recibindo o galardón / PP

ÚLTIMAS

O Programa Deportivo de Verán de Monforte oferta 822 prazas

A Tenente de Alcalde de Monforte, Gloria Prada, destaca que desde o concello "fixemos...

42 persoas participan no Centro Cívico de Monforte das xornadas de formación universitaria para maiores de 50 anos

O programa de formación universitaria, que por quinta vez se celebra en Monforte con...

Sober convoca dúas bolsas culturais internacionais “Pintor de Castinandi”

O Concello de Sober convoca dúas Bolsas Culturais Internacionais ‘Pintor de Castinandi’ para o...

Roberto López, de colaborar co Bóveda Slam Poetry a publicar o seu primeiro poemario

Roberto López Veiga naceu na Coruña pero sempre estivo moi apegado a Rubián, no...