Os populares aseguran que “temos claro que o alcalde se moveu grazas á nosa insistencia con este tema, pois tanto os propios monfortinos como o Partido Popular levamos anos reclamando o arranxo deste grave problema que padecemos os veciños con tubaxes en moi mal estado que deixan sen auga a moitos veciños e veciñas en múltiples ocasións”. Polo tanto, “agardamos que non quede en papel mollado”.
Con todo, dende o PP subliñan que “agora o alcalde recoñece esta realidade inadmisible da que levamos tempo advertindo” e que, polo tanto, “hai anos que debería ter xestionado”.
A portavoz lembra outros anuncios incumpridos por José Tomé, como a construción dunha ponte nova ou unha praia fluvial, “pero aínda nada se sabe”. Tamén fai referencia a un cartel na Compañía anunciando unha inversión de 1,7M€ “para arranxar os vertidos desa zona cando xa dixo, aínda que coa boca pequena, que finalmente non se iba a realizar”.
Varela incidiu en que “estaremos expectantes de que todos os anuncios que fai o alcalde se cumpran adecuadamente e non estea anunciando sempre o mesmo sen executar como fai con outros convenios que firma e prorroga cada ano”.
