HomePolíticaA76, a polémica continúa

A76, a polémica continúa

O trazado do A76 leva anos provocando enfrontamentos, o último vén dado pola proposta dos alcaldes de Monforte, O Barco e Ponferrada de levala por Chantada para salvar os Peares. O PP esixe que se manteña o trazado como está para non provocar máis demoras.

Publicado o

- Advertisement -

O Partido Popular de Monforte vén de presentar unha moción instando ao Concello a que rexeite calquera proposta que implique “demorar ou non completar a execución da A-76 entre Ponferrada e Ourense, pasando por Monforte”. Os populares levan a Pleno esta moción, ante o anuncio do alcalde no que daba a opción de levar a A76 por Chantada para salvar o paso polos Peares e non afectar á posible declaración da Ribeira Sacra como Patrimonio da Humanidade.

A moción dos populares recolle “propoñer que a A-76 chegue unicamente a Monforte, para volver despois sobre unha posible autovía que una a nosa cidade con Chantada, coa expectativa de que se conecte coa infraestrutura Lugo-Ourense, é máis rebuscado e dificultoso que a idea sobre a que se leva anos traballando, que non é outra que comunicar Monforte con Ourense e Ponferrada, de modo directo por autovía”.

Para o PP é “inaceptable” que o alcalde propoña renunciar a unha infraestrutura viaria que permitiría conectar Monforte con Ourense por autovía e no seu lugar opte polo impulso da autovía entre Lugo e Ourense, que deixará aos monfortinos sen unha conexión directa coa capitalidade ourensá. 

Julia Rodríguez co seu equipo. Fonte: PP Monforte

Para a voceira popular, Julia Barreira, a proposta dos alcaldes de Monforte, Ponferrada e O Barco, duplica a distancia entre Monforte e Ourense e supón renunciar a unha conexión directa coa capital de Ourense, afectando non só a Monforte, senón a todo Valdeorras Para a popular “compre que o Ministerio de Fomento siga a avanzar na redacción e execución dos proxectos do trazado que se teñen definido entre Ponferrada e Ourense, por tramos, sen prexuízo das correccións necesarias para salvar as dificultades xurdidas nos Peares”. Considera necesario rexeitar calquera proposta dirixida a demorar ou non completar a execución da A-76 entre Ponferrada e Ourense por Monforte.

Tamén o PP leva a pleno este asunto en Pantón. Segundo José Luis Álvarez, alcalde de Pantón, os rexedores de Monforte, Ponferrada e O Barco non son quen para buscar alternativas ao trazado da A 76 e non contar co resto dos concellos afectados entre os que estaría Pantón.

ÚLTIMAS

Novidosas sinalizacións lumínicas para pasos de cebra no Concello de Monforte

O Concello de Monforte vén de presentar a mellora viaria, con sinalizacións lumínicas en...

A Valedora admite unha queixa por ignorar o Concello de Monforte máis de 8 meses a un aspirante

Lembran desde FAC-USO que o 13/10/2023 convocouse un proceso selectivo para unha praza interina...

Do 27 ao 29 de xullo, festas na parroquia monfortina de Piñeira

O deputado de Mocidade, Daniel García, reuniuse coa Asociación de Festexos de Piñeira, que...

Finalistas da X edición do Concurso de Proxectos Empresariais Semente Ribeira Sacra

A esta X edición do Concurso de Proxectos Empresariais Semente Ribeira Sacra presentáronse 85...