A voceira popular, Katy Varela, sinala que “son moitas as queixas que recibimos de veciños destas zonas” alertando de que “a limpeza brilla pola súa ausencia, motivo polo que amosaron o seu malestar”.

Ademais, dende o Grupo Popular insistirase para que o goberno de José Tomé facilite á maior brevidade a documentación bancaria solicitada que aínda non se puxo a disposición dos concelleiros populares. Documentación que piden se complemente con copia e acceso aos extractos bancarios de contas correntes, préstamos e pólizas de crédito, desde o 1 de xaneiro de 2024 ata o 31 de decembro de 2024.

Finalmente, Katy Varela recorda que tampouco se puxeron a disposición os expedientes dos contratos menores. “Vemos como a falta de transparencia segue a ser a sinal de identidade do señor Tomé”, rematou.