Segundo denuncian os populares, a LU-P-5303, está totalmente agretada e ten zonas moi rotas por mor das filtracións de auga o que provocou que, ao seu paso por Torbeo, “sexa case imposible circular”.
Antonio Ameijide recorda que nesta estrada, tanto os veciños como dende o Grupo Provincial Popular, xa se ten pedido en varias ocasións que se melloraran as medidas de seguridade, sobre todo ao paso pola aldea de San Lorenzo, onde hai unha caída de varios metros. “Esta estrada supón un gran perigo para os condutores xa que carece, na maior parte do seu percorrido de biondas ou dos elementos de seguridade precisos para evitar a caída dun vehículo polos numerosos taludes que hai ao longo desta estrada”, sinalou.
Pola súa banda, a voceira popular en Ribas de Sil, Sandra Macía, fai patente o malestar e enfado dos veciños que ven “como dende a Deputación de Lugo non se lles fai caso algún nas súas reclamacións” e sinala que “todos teñen moito medo de circular por esta vía” debido ao perigo que supón, xa que “ademais das gretas e roturas que presenta, tamén hai puntos con corrementos de terra”.
LU-P-5303 / PP provincial
