A voceira popular, Katy Varela, asegura que a veciñanza destas parroquias está descontenta por ter a estrada cortada por obras, “os traballos levan un mes parados, desde o comezo das obras instaláronse unhas marcas que cortan a comunicación entre as parroquias”.

“O descontento entre os veciños é moi grande xa que o único que falta neste tramo son as arquetas e como consecuencia ambas parroquias atópanse incomunicadas entre si e o acceso tanto do polígono como desde a estrada de Sober vese interrompida polas mesmas”, sinala Varela.

Katy Varela insiste na necesidade de dar unha solución urxente a estas parroquias para que retomen a normalidade.