Esta semana unha nutrida representación do Grupo Parlamentar do BNG acodía á concentración organizada polo BNG do Sur de Lugo, onde recolleron as queixas da poboación e e fixéronse eco das denuncias do persoal do hospital. Así rexistraban ao día seguinte, a iniciativa do deputado Iago Suárez Fernández e das deputadas Iria Carreira Pazos e Montserrat Prado Cores, unha Proposición non de lei, sobre a situación do hospital
comarcal de Monforte de Lemos.
O BNG sinala as eivas de atención e as peculiaridades da poboación que atende o hospital cun elevado avellentamento e dispersión poboacional, tamén recollen as queixas do persoal para solicitar o afortalamento da sanidade no sur de Lugo. Na proposición non de lei piden:
- Asegurar a atención sanitaria a toda a poboación dependente do Hospital Comarcal de Monforte de Lemos.
- Cubrir as prazas nas especialidades onde actualmente hai falta de profesionais (dixestivo, psiquiatría, rehabilitación, pediatría, radioloxía e laboratorio).
- Dotar no prazo dun mes ao hospital de Monforte de Lemos dun mamógrafo que funcione.”
Con respecto ao mamógrafo, a CIG-Saúde denuncia “sesgo de xénero”, porque hai informes para arranxalo desde hai 8 meses e non se toman solucións, “Se isto sucedese co TAC, ou calquera outro aparello de uso xeneralizado, ó día seguinte estaría o técnico aquí. O arranxo do mamógrafo só lle afecta ás mulleres, por iso non lles corre tanta presa. Que as mulleres se teñan que desprazar a Lugo dá igual, que os diagnósticos poidan ser erróneos, dá igual.
