HomePolíticaO BNG leva ao Senado iniciativas para modernizar o tramo ferroviario Monforte-Ponferrada

O BNG leva ao Senado iniciativas para modernizar o tramo ferroviario Monforte-Ponferrada

A senadora do BNG, Carme da Silva, vén de rexistrar iniciativas para impulsar a modernización do tramo Monforte-Ponferrada e mellorar o transporte ferroviario na comarca de Valdeorras.

Publicado o

POR
Redacción
- Advertisement -

A senadora nacionalista recordou que o pasado 26 de novembro reabriuse ao tráfico ferroviario a liña Monforte-Ourense despois de dous anos de obras para a súa modernización e electrificación “grazas ao Acordo de Investidura conseguido polo BNG na anterior lexislatura”. Con todo, o BNG insiste en que é imprescindible acometer melloras no tramo entre Ourense e Ponferrada-León para incrementar os servizos e a calidade do transporte ferroviario en Valdeorras.

O BNG preguntará ao Ministerio de Transportes que investimentos ten previsto realizar a curto e medio prazo para avanzar na modernización da liña Monforte-Ponferrada, “fundamental para garantir a conexión nesta comarca entre si e co resto do país” engade da Silva.

“Até o de agora só se coñece o anuncio do Ministerio de Transportes, en xuño do ano pasado, para a redacción dun estudo de viabilidade sobre o tramo León-Ponferrada, mais non hai ningunha concreción sobre o tramo que atravesa Valdeorras” subliña da Silva. “Hai que ter en conta que a conexión Monforte-León está incluída no Corredor Atlántico para o transporte de mercadorías, pero apenas recibiu investimentos malia contar con partidas orzamentarias” lembra a senadora do BNG.

“Defendemos a modernización urxente do tramo Monforte-Ponferrada, acompañada dun incremento de servizos e da dotación de persoal suficiente. Só así poderemos asegurar un transporte ferroviario digno e eficaz, contribuíndo á vertebración territorial e ao impulso económico de Valdeorras” conclúe a senadora do BNG

ÚLTIMAS

O PP da Pobra do Brollón pide maior planificación das obras

Teddy López realiza esta petición despois de ver como esta semana foron moitos os...

Abre a tempada de Rutas Fluviais na Ribeira Sacra con 15.453 reservas

A tempada 2025 das rutas fluviais pola Ribeira Sacra comeza cunha gran acollida por...

3CUMIOS, levando o nome da Ribeira Sacra ao máis alto

A Expedición Huascarán 2025 levaraos á Cordilleira Branca en Perú, a unha altitude de...

Ribeira Sacra fórmase en Novas Tecnoloxías IA para o sector vitícola

A iniciativa, tal e como explica a CEL, foi unha oportunidade única para coñecer...