Teddy López realiza esta petición despois de ver como esta semana foron moitos os veciños que sufriron numerosas molestias ao comprobar que a estrada que dá acceso ao núcleo de Salcedo estaba cortada por obras “sen ningún tipo de alternativa á circulación”, unha circunstancia que “ocasionou numerosos inconvenientes aos veciños”, como ter que buscar rutas alternativas para chegar as súas casas, “moitas delas tamén cortadas, ou a imposibilidade de recibir mercadorías que tiñan previsto recibir ao non ter sinalados outros accesos”.
Tras estes problemas, o voceiro popular agarda que dende o Concello da Pobra do Brollón “se planifiquen mellor as obras de agora en diante” así como que se comuniquen con antelación. “Todos entendemos que as obras provocan molestias, pero estas poden minimizarse advertindo dos traballos con antelación e indicando as rutas alternativas para a mobilidade”, finalizou.
