O Ministerio responde sinalando os plans previstos en determinados puntos das estradas. Están en fase de “redacción de proxecto” varias actuacións da N-120, sen que coñeza data prevista de execución, e o Ministerio sinala que está en curso a rehabilitación da N-540 entre o km 0 e 69, obras que, “supoñemos, se reanudarán esta primavera despois do parcheado chapuceiro que se fixo após enviarmos da nosa misiva ao Ministerio. Porén, cómpre lembrar que apenas 15% do previsto foi executado en 2024”.

Dende IGV consideran que é insuficiente esta actuación e que a gravidade da situación reclama medidas urxentes. E piden solucións integrais e estruturais, “pois puntos das vías nos que se actuou en 2024 xa volven presentar problemas. Así, estas reparaciones puntuais de firmes que sinala o Ministerio que se realizan, non sempre se fan con toda a premura necesaria nin son solucións a longo prazo·.

IGV reivindica celeridade na actuación do Ministerio, “pois a falta de actuacións rápidas é o que agrava o estado das estradas e fai aínda máis costosas as reparacións, alén de ser unha tortura diaria para as xentes que deben desprazarse por traballo por estas vías.”

Un problema crónico

IGV e as súas agrupaciós levan anos loitando pola mellora da N-540. Solicitando o arranxo desta estrada nos anos 2018, 2020, 2022 e 2024 e a través de Por Chantada sacáronse adiante acordos plenarios, por unanimidade, en 2018 e 2020 no relativo á esta vía. Con anterioridade, o 22 de xuño de 2017, a Comisión de Seguridade Vial do Congreso dos Deputados aprobara unha proposición non de lei para a a reforma e rehabiitación entre Guntín e Ventas de Narón e para o tramo de Chantada.