Este área recreativa, construída no ano 1996 pola Deputación cun goberno popular, tiña como obxectivo dinamizar o turismo na Ribeira Sacra poñendo en servizo unha área máis a disposición dos turistas que chegan á provincia, “pero dende que o PSOE e o BNG chegaron ao goberno da Deputación ningunha das dúas formacións tivo interese en poñelo en marcha, como certifica que baixo o seu mandato nunca abriron as súas portas”.

O complexo de Augas Mestas conta cunha de bungalows, zona aberta para a acampada de autocaravanas ou tendas, varios edificios que serían os aseos e duchas, así como a recepción e un restaurante, dúas piscinas, unha para adultos e outra para nenos, varias casas de pedra, na zona exterior do recinto, diferenciadas dos bungalows e pantalán de acceso ao río para embarcacións.

O voceiro provincial, Antonio Ameijide, explica que “con 100.000€ é imposible dar a estas instalacións toda a importancia que merecen” xa que “tras 18 anos de abandono por parte de PSOE precísase un compromiso moito maior” para recuperar e poñer en valor esta zona que “debe ser un referente turístico no sur da provincia”.

“A realidade é que o complexo de Augas Mestas podería converterse nun referente turístico na Ribeira Sacra pero nin PSOE nin BNG teñen interese por mellorar a economía desta zona da provincia, xa que coa posta en marcha destas instalacións xeraríanse numerosos postos de traballo na zona sur, tanto directos como indirectos”, conclúen desde o PP.