Os deputados do Grupo Provincial Popular tras comprobar “o nefasto e neglixente” estado de conservación da estrada provincial LU-P-5002, en Quiroga, que dá acceso ao Miradoiro da Conchada aseguran que, “Como cada verán, vemos como PSOE e BNG non fixeron os deberes e os accesos ás principais zonas turísticas da provincia non están en boas condicións”.
O voceiro provincial popular, Antonio Ameijide, denuncia que “ninguén pode entender que José Tomé, o PSOE e o BNG teñan nesta situación esta estrada provincial” pola que pasan decenas de veciños e turistas a diario para acceder, entre outros puntos, o Miradoiro da Conchada, “unha das localizacións máis turísticos” do municipio e deste entorno.
Tras percorrer esta estrada provincial comprobouse como hai fochancas de grandes dimensións, sinalización en mal estado ou curvas sen barreiras de seguridade con caídas de varios metros.
“Seguimos a ver como o goberno provincial segue a dar as costas a miles de veciños da provincia, mirando unicamente por aqueles que viven en municipios gobernados por amigos do PSOE ou BNG, fondos e equipos de mantemento para os mesmos concellos e ningún para o resto”, denunciou.
