Interior Galego Vivo solicitou á Consellaría de Medio Rural a modificación normativa inmediata para permitir o pastoreo anticipado, mediante autorización expresa, nas zonas ardidas dos concellos declarados zona de desastre natural polo Goberno do Estado, incluíndo aquelas parroquias sinaladas como de alto risco e que se manteña a consideración como superficies primábeis na PAC 2025 para aquelas parcelas queimadas que foron incluídas nas solicitudes deste ano.
“Estamos ante a maior catástrofe ecolóxica desde o Prestige, máis a diferenza é que esta queima o noso corazón verde e condena á morte o interior do país”, denuncian desde IGV. “Non é só lume, é abandono institucional, é falta de política forestal, é un modelo suicida que leva décadas sen máis ordenaciòn do territorio ca o ti, vai facendo”, engaden,
A entidade critica que a actual regulación exclúe automaticamente da excepcionalidade parroquias catalogadas como de alta actividade incendiaria, cando a propia Lei estatal deixa esta cuestión a criterio das comunidades autónomas.
Engaden que en Vilardevós onde IGV ten participación no Goberno, se fixo o traballo de ter o Plan de prevención de incendios en vigor e as comunicacións enviadas, tanto a parroquias priorizadas como non priorizadas. “O lume non é só unha traxedia ambiental: é unha bomba social e económica que arrasa a vida rural. Sen gando, sen xente e sen política ao servizo das persoas e do territorio, a Galiza arde cada vez máis e máis rápido», conclúe IGV.
Fronte dun dos incendios recentes que carbonizou Vilardevós / IGV
