Manuela Sáez González é unha historiadora moi coñecida e recoñecida polos seus traballos de investigación sobre Don Pedro Fernández de Castro, VII Conde de Lemos; traballos destacados publicamente polo Duque de Alba e actual Conde de Lemos.
A voceira popular, Katy Varela, explica que “é de xustiza recoñecer publicamente aos monfortinos máis destacados e, neste caso, consideramos que así o merece”. Neste senso, a voceira popular recordou que durante o seu pregón o pasado mes de agosto “deu unha verdadeira lección de historia”, e o certo é que “a sensación entre a cidadanía foi que este ano a súa elección como pregoeira foi axeitada”.
Ademais, Katy Varela sinala como “foi unha mágoa” que tras dúas obras importantes como foron o parque do Hospital ou o parque da Gardaría “se optase por denominacións tan simples coma esas cando se puido ter aproveitado para nomealos recoñecendo a traxectoria de persoeiros ilustres.
