Os senadores populares explicaron que a estrada nacional 120, é unha vía de titularidade estatal que une as cidades de Logroño e Vigo. Ao seu paso por Lugo convértese nunha infraestrutura cun nivel de tráfico moi importante, clave e vertebradora do sur desta provincia, en particular das comarcas de Quiroga e Terra de Lemos.
Aseguran que as queixas polo mal estado do seu pavimento multiplícanse nos últimos anos. “É máis que evidente a deterioración acumulada en moitos tramos que presentan fochancas e gretas e que xeran riscos de seguridade viaria. Pequenas obras de parcheo non solucionan estes problemas e demostran carencias de mantemento. Ata a data, ningunha intervención foi capaz de arrombar o firme dunha infraestrutura moi utilizada. Os accidentes son moi frecuentes, xa sexa por picadas de rodas ou saídas de vía. Persoas que viaxan diariamente pola estrada advirten que cada xornada faise máis perigosa a circulación”.
Con estes antecedentes preguntaron no Senado:
- De cantos accidentes ten constancia o Goberno de España en percorrido da estrada nacional N-120 pola provincia de Lugo durante o último ano? (Indiquen data exacta e número de accidentes que se produciron)
- Cantos deses accidentes foron como consecuencia de avarías do vehículo, rebentóns ou picadas de rodas, ou vinculados ao mal estado da calzada?
- Cantas “Follas de manifestación e información a vítimas de sinistros viarios” incoou a Agrupación de Tráfico da Garda Civil nesta estrada durante o último ano?
