Lembran desde o BNG de Pantón que levan tempo denunciando a falta de médicos no concello, “Das catro consultas coas que contaba o cento de saúde de Ferreira, perdemos a primeira por xubilación do seu titular, e unha segunda deixou de dar servizo por traslado do facultativo. A día de hoxe, unicamente atenden á veciñanza dous facultativos”.

Esta mingua de persoal, aseguran que se traduce na diminución da calidade asistencial, dando como resultado tempos de espera moi prolongados, ou citas a varios días vista. Esta situación vese empeorada cando os facultativos teñen que saín facer unha urxencia ou collen unha baixa por enfermidade, co que só atende un médico.

Ante esta situación, o deputado do BNG polo sur de Lugo, Iago Seara, presentou recentemente unha pregunta no Parlamento de Galicia interesándose polas consultas pechadas en Pantón, solicitando que se cubran as prazas. Afirman que a Consellería respostou, “O centro de saúde de Pantón mantén a súa organización
habitual e dispón de dous profesionais médicos”, o que confirma, aseguran “a súa negativa a cubrir a praza vacante”.

Para Rosana Prieto, a resposta da Xunta, afirmando que o centro de saúde de Pantón mantén a súa “organización habitual, é unha falta de respecto á veciñanza”. A concelleira nacionalista engade que o proxecto do novo centro de saúde só contempla dúas consultas e volve a preguntalle ao rexedor local, que pasa coa terceira consulta prometida.