O PPdeG destacou a boa acollida que o Bono Coidado no Fogar está a ter na provincia de Lugo e o cal beneficia xa a 7.651 persoas en situación de dependencia, tras dous anos en vigor. Neste ano o Bono Coidado reforzouse con 179M€ –un 52% máis que o ano pasado-.

Por outra banda, a portavoz de Política Social, Raquel Arias, destacou o investimento de 845M€ que o Goberno galego destina á atención á dependencia e á mellora dos servizos sociosanitarios, –un 17% máis que no 2025-; fronte ao Goberno central, “o Executivo de Pedro Sánchez volve reducir esta achega, segundo os datos de 2025, a Administración central diminuíu a súa contribución ata o 32,9%; uns datos moi afastados do 50% que lle obriga a lei. Deste xeito, a débeda que acumula con Galicia nesta materia chega aos 3.000M€”.

Asemade, Enrique Barreiro puxo en valor os 10.000 galegos máis que, nesta lexislatura, recibirán o Bono Coidado, e o remate, neste primeiro semestre do ano da primeira fase do Plan de residencias e centros de día, que permitirá a apertura de 24. A provincia de Lugo conta, na actualidade, con máis de 16.680 persoas dependentes atendidas.