Lembran que os días que non hai médico en Seoane, o centro médico máis próximo dista una hora ou máis de moitos núcleos de poboación, “Afastados do hospital e afastados de calquera atención médica. Esa é a situación real que se vive a diario no Courel”. Caurel Vivo alerta de que a situación se agravará máis durante o periodo vacacional do verán, chegando a duplicarse a poboación no concello.

Presentan tamén unha segunda queixa ante o Valedor por ser Folgoso do Courel o único concello da área sanitaria sen servizo HADO, malia ser precisamente o máis distante do hospital. E reclaman explicacións á Consellería de Sanidade e unha solución estable que garanta unha atención sanitaria digna e en igualdade de condicións coa do resto de concellos. “O Courel non pode seguir sendo tratado como un territorio de segunda”, conclúen.