Aseguran os populares que os veciños do barrio trasladaron en numerosas ocasións as súas reclamacións e queixas ao equipo de goberno.

As demandas e reclamacións teñen que ver coa creación dun local social para levar a cabo reunións e actividades, mellorar a comunicación para a organización da festividade anual do barrio. Reclámase a mellora de infraestruturas deterioradas como beirarrúas, barandas e elementos redutores da velocidade para mellorar a seguridade na zona.

Esíxese para a zona maior aseo das fincas públicas e acabar cos problemas das verteduras ao río. “Falamos dun barrio próximo ao centro urbano, pero cunha falta de mantemento alarmante”, explicaron, motivos polos que os concelleiros do PP de Monforte defenderán que o Concello impulse un plan de actuación para a mellora das infraestruturas da zona.