O Secretario provincial do PSOE en Lugo, Álvaro Santos Ramos, destacou que, tras a aprobación da moción de censura e posterior desaloxo do goberno central do PP, “hoxe é un día de esperanza e oportunidade para España”.
Tras felicitar e mostrar todo o seu apoio a Pedro Sánchez, Santos Ramos destacou que, “o que pasou neste tempo é horrible, pois quedou constatado que a corrupción gobernaba a principal institución do país. O PSOE soubo asumir con responsabilidade o papel que lle tocaba e dignificou o Congreso dos Deputados e o debate político, conseguindo que todos os grupos políticos expusexen en público o acontecido nos últimos tempos”. “É moi importante desaloxar ó Partido Popular do Goberno Central pola súa maneira de actuar. é unha cuestión de hixiene política e institucional que nos da credibilidade como país”.
Tamén sinalou que, “hoxe co PSOE no Goberno Central comeza o cambio político que vai beneficiar a todo o Estado, á nosa provincia, pois é absolutamente imposible que nos fose peor e estar máis prexudicados que co Partido Popular”.
