Segundo informou o 112, un home de oitenta anos foi localizado na mañá do martes 17 de xullo en Santa Eugenia de Asma con signos de hipotermia , moi preto do seu domicilio, logo de que efectivos da Garda Civil e voluntarios de Protección Civil de Chantada o estiveran buscando durante toda a noite. O octoxenario, que tiña como costume saír a pasear, foi localizado con síntomas de hipotermia polo que foi requerida a presenza de profesionais do 061 para o seu posterior traslado ó centro hospitario.

As primeras informacións sobre a súa desaparición chegaron ó servizo de emerxencias de Galicia a través dos axentes das forzas da orde preto da medianoite do luns.