InicioPolíticaÓscar Carrete, de C@urel Vivo: "Folgoso e Seoane do Courel non existen...

Óscar Carrete, de C@urel Vivo: “Folgoso e Seoane do Courel non existen para as administracións”

Dende a formación C@urel Vivo levan tempo denunciando unha situación a cal consideran insostible pola falta de servizos e abandono por parte da administración

Publicado o

- Advertisement -

Óscar Carrete é o portavoz da formación C@urel Vivo. Dende fai anos levan denunciando unha situación que se presume de difícil solución. A falta de servizos básicos ó longo do ano, fai que vivir na súas montañas se presuma cada día máis complicado.

No seu concello non é nova que cando un médico do centro de saúde vai de vacacións, a súa vacante non se supla. No ambulatorio hai dous doutores e cando un non está, o outro ten que atender ós doentes de ambos. Se a iso se lle engade que ás veces ten que acudir a un domicilio, os que están a esperar a súa quenda no ambulatorio, quedan sentados esperando que non tarde. Por outra banda, soamente dispoñen de pediatra en Quiroga, o cal soamente pasa consulta un día á semana. As estradas son parcheadas con grava o que provoca rebentóns nas rodas, non se lle fai fronte ás pragas de especies invasoras ou non se ten intención de crear unha segunda brigada contra o lume, son algunhas das denuncias que dende o equipo de Óscar Carrete se están consideren co obxectivo de darlle visibilidade e poder poñer fin a esta situación.

Cambiou algo a situación dende o ano pasado con relación á atención médica?

Non. Seguimos tendo dous médicos no ambulatorio. Cando un marcha de vacacións, o outro ten que facerlle fronte ós doentes de ambos. Non che quero dicir para cando o doutor ten que saír a unha urxencia domiciliaria. Os doentes que nese momento están no centro médico soamente teñen como solución esperar sentados a que non tarde moito en volver. Póñoche un caso. O outro día unha veciña de Folgoso avisou ó médico porque súa nai perdera o coñecemento. O médico nese intre estaba en Seoane e ir dun punto ó outro supón uns 45 minutos de traxecto. Finalmente a señora foi trasladada ó Punto de Atención Continuada de Quiroga pero resulta que como tampouco hai médicos dabondo, non había quen a atendera para cando entrou pola porta. Soamente temos pediatra en Quiroga e para iso, unicamente pasa consulta un día á semana. Na montaña hai nenos que precisan atención e xa non falemos agora no verán, cando hai máis poboación. É un cúmulo de despropósitos. Estamos abandonados por parte das administracións. Dende o meu partido dirixímonos ó Conselleiro de Sanidade o cal non sabía onde quedaba Courel e Ramón Ares, do HULA, díxonos que non había médicos para cubrir as vacantes. Sen embargo, dende a Escola de Médicos o que nos dixeron e que especialistas si que había pero que as condicións que ofrecía o Sergas eran tan desastrosas que ninguén quería cubrir as vacantes.

Centro médico do Courel/C@urel Vivo

Recentemente estiveron avaliadores da UNESCO pola candidatura de Xeoparque, e sen embargo, vós fixestes unha denuncia sobre especies invasoras no Courel, cres que a presenza de especies non autóctonas poden afectar á candidatura de Xeoparque?

Nós denunciamos a presenza de especies invasoras no Courel. Levámolo a pleno porque ademais, as matas de mimosas que existen, son de fácil erradicación. Sen embargo, dende o goberno local non se fixo absolutamente nada pola súa desaparición. Non digo que este sexa motivo para que dende a UNESCO non declaren a zona como Xeoparque pero si que é certo que cando un se presenta a unha candidatura como esta, ten que saber que os avaliadores non so valoran as xeoloxía da zona, senón tamén os servizos e a calidade de vida dos veciños. Servizos non temos, a calidade de vida é bastante mellorable e por riba, temos especies invasoras ás cales non lle poñemos freo. Xa digo, oxalá outorguen a declaración de Xeoparque pero hai fallos que non se poden consentir en temas tan relevantes como este.

Falas de falta de servizos, e un deles é a sanidade, cal máis sobre carencias na zona?

As estradas. A Xunta de Galicia en lugar de arranxar unha estrada, parcheouna con grava. O resultado foi que quedou un peralte de tales características que xa se produciron dous rebentóns de rodas pola súa culpa. A Deputación de Lugo tamén. Prometeunos unha estrada para enlazar con Pedrafita do Cebreiro e sen embargo, logo de moitos anos, aínda está rematada.

Esta é unha pregunta obrigada. Se o goberno local é do PP ó igual ca Xunta de Galicia, como pode ser tal deficiencia de servizos?

Porque no PP hai 2 variantes. Os afíns a Raquel Arias e os que están con Elena Candia que é a directora de equipo en Santiago e Lugo. E a nosa alcaldesa é afín a Raquel Arias, así de sinxelo.

O que non se dan conta é de que dende que a alcaldesa é Lola Castro no Courel temos un 20% menos de poboación e un 25% menos de afiliados á Seguridade Social. Estes son datos sacados do INE pero ca xestión que estamos tendo é normal. Se non é por nos, en lugar de ter dúas brigada contra os lumes, temos unha e todo porque dicían que no concello non había xente preparada para traballar nesta especialidade. Levamos a pleno a nosa demanda, fixéronnos caso e na actualidade, temos dúas brigadas que suman un total de 10 postos de traballos. Isto tradúcese en 10 persoas menos paradas e por riba, case todos da localidade.

 

 

 

ÚLTIMAS

Raquel Arias destaca as inversións da Xunta no patrimonio histórico da Ribeira Sacra

A deputada popular, Raquel Arias, indica que, nos últimos anos, a Xunta destinou 5,2...

O comercio de Sarria entrega os vales de San Valentín

Os establecementos asociados sortearon, para esta campaña, catro ceas para dúas persoas polas compras...

O Colado do Vento, de Sober, organiza un obradoiro para concienciar sobre a nosa etnografía

O proxecto de 'Galicia latente' ten como base un estudo-libro homónimo de recollida e...

A xornalista, Lucía Rodríguez, con raíces en Sober, pregoará a Feira do Viño de Amandi

O concello de Sober deu a coñecer este mércores o nome da persoa que...