A alcaldesa de Folgoso do Courel, Lola Castro, non dubida da intencionalidade dun incendio que se iniciaba na madrugada do sábado e que arrasou xa “case 200 hectáreas”, segundo as súas estimacións, aínda que a Consellería do Medio Rural xa o dá por controlado.
O lume iniciábase pasadas as 4,30 horas da mañá do sábado, afectando sobre todo as parroquias de Folgoso do Courel e tamén de Ferreirós.
Castro constatou que a situación da mañá deste luns era “mellor” e puxo o acento tanto no traballo realizado durante o domingo como á axuda do “ballón” caído nas últimas horas do fin de semana. A rexedora calcula que este incendio poida chegar ás 200 hectáreas afectadas.
Ademais, confesou, dada a “intencionalidade” das chamas, que se atopa “triste e moi preocupada porque aínda non empezou o verán” e este municipio xa leva tres incendios, o cal non ocorría “desde hai varios anos”.
De feito, vinculou o lume a persoas que poidan rexeitar a presenza do lobo e do oso na zona, para seguidamente soltar que “non se pode xustificar un incendio de ningunha maneira”.
“Haberá que facer máis labor de concienciación, axilizar as axudas polos danos (do lobo e do oso). Que a xente que prende lume pense que tamén pode arder a súa casa”, sentenciou.
A alcaldesa de Folgoso preocupada polo lume “porque aínda non comezou o verán”
A primeira edil vinculou o lume a persoas que poidan rexeitar a presenza do lobo e do oso na zona, para seguidamente soltar que "non se pode xustificar un incendio de ningunha maneira".
Publicado o
- Advertisement -