Presta declaración o home detido en Monforte por suposta agresión sexual

Xulgado de Monforte /G.M.

O home detido o pasado venres 16 de agosto en Monforte por presunto delito de agresión sexual a unha menor de idade, prestou declaración na mañá do domingo no Xulgado de Monforte.

O varón, que supera os 30 anos de idade, estivo detido nos calabozos da policía nacional ó longo do sábado, e, tras sufrir un desvanecemento, foi trasladado en ambulancia ata o Hospital Comarcal de Monforte onde estivo varias horas ingresado.

Así, e logo das dúbidas de se declararía ó longo do domingo, finalmente o seu estado de saúde permitiulle explicar ó xuíz encargado do caso o suceso polo cal foi posto a disposición xudicial.

Fontes consultadas ó corpo nacional de policía non confirman nin desmenten se a presunta vítima é familiar do detido.

 

DEIXAR UN COMENTARIO

Please enter your comment!
Please enter your name here