Iniciosociedade170 persoas participan esta semana no programa Coñece a túa provincia

170 persoas participan esta semana no programa Coñece a túa provincia

Este martes comezaron as viaxes coa Asociación de Veciños Deportiva e Cultural Ríos Miño e Ladra de Martul, de Outeiro de Rei, e a Asociación de Mulleres Rurais O Noso Lar, de Láncara. A entidade de Outeiro de Rei visitou o Mazo de Santa Comba e, posteriormente, puxo rumbo a Sober para coñecer unha adega de Amandi, visitar a Rectoral de Gundivós e descubrir o traballo da olería tradicional. Tamén fixeron unha ruta no catamarán Deputación polo Canón do Sil.

Publicado o

POR
Redacción
- Advertisement -

As rutas gratuítas que impulsa a institución provincial para colectivos sen ánimo de lucro leva a Asociación de Mulleres Rurais O Noso Lar, de Láncara ao Centro de Interpretación Terras do Miño para continuar pola Mariña. Neste caso, achegáronse aos concellos de Xove e Viveiro, onde visitaron o Faro Punta Roncadoira, o monumento natural Souto da Retorta e o centro histórico viveirense.

Xa o mércores será a quenda de dúas entidades lucenses, a Asociación de Veciños de Santa Cristina de San Román e a Asociación de Veciños de Coeses Agro Maior, que se trasladarán ata a Ribeira Sacra. Os primeiros viaxarán a Sober tras coñecer o Mazo de Santa Comba, mentres que os de Coeses farán un percorrido por Taboada e Chantada, con paradas en diferentes igrexas románicas ou o centro histórico chantadino, despois de ver as instalacións do Centro de Interpretación Terras do Miño.

Amuraxe, de Xermade, e a Asociación Provincial de Amas de Casa e Consumidores Lucus serán as entidades que participarán o xoves nestas viaxes, con paradas no Pazo de San Marcos e o Mazo de Santa Comba, respectivamente. Os primeiros visitarán Sober e o colectivo lucense percorrerá o patrimonio de Pantón e Carballedo, que inclúe visitas a unha adega, ao pobo dos Peares e ao convento do Divino Salvador de Ferreira de Pantón, entre outros.

Durante a tempada de outono, dende setembro ata novembro, son máis de 1.230 persoas de 55 entidades da provincia as que percorrerán a provincia con este programa que a Deputación puxo en marcha co obxectivo de que a veciñanza coñeza mellor toda a riqueza patrimonial das distintas comarcas lucenses e dinamizar desta forma a economía local, sobre todo o turismo, a hostalería e o comercio.

ÚLTIMAS

Este 5 de decembro arrinca en Sarria o “Tapicheo 23”

A primeira ruta confórmana Restaurante Camping Vila de Sarria, Mesón O Castro, Adarve e...

O Concello de Monforte apoia con 5.000 euros a participación de Eduardo Iglesias no Dakar

O piloto Eduardo Iglesias volverá competir no Rally máis duro do mundo e farao...

Que pasa no centro de saúde de Chantada?

O Concello de Chantada acordaba, no pleno celebrado en setembro, que o alcalde, Manuel...

Dous días máis de permiso para os traballadores do concello de Monforte pola coincidencia en domingo dos festivos de Nadal

As traballadoras e traballadores públicos do concello de Monforte poderán gozar de dous días...