IniciosociedadeBotánica, fauna e paleontoloxía para todos os públicos nas montañas do Courel

Botánica, fauna e paleontoloxía para todos os públicos nas montañas do Courel

A Deputación vén de abrir o prazo para inscribirse na nova programación de actividades de turismo científico OBSERVER nas montañas do Courel e dos Ancares para a temporada primavera-verán.

Publicado o

- Advertisement -

As actividades, todas elas de balde, desenvolveranse de maio ata agosto e consistirán en rutas, paseos e actividades explicativas con temáticas vinculadas á ciencia como a xeoloxía, botánica, fauna, astronomía e a paleontoloxía.

A primeira actividade no Courel será o día 8 de xuño na aula da natureza de Moreda a partir das 11.00 h. Co título “A Devesa da Rogueira: o auténtico bosque atlántico galego”, desenvolverase a xornada de 2 horas e media. Cóntase con 30 prazas.

A seguinte cita centrarase na fauna e terá lugar o día 13 de xullo ás 10.00 da mañá en Froxán. A xornada de 3 horas e para 25 persoas leva por título “Osos e demais mamíferos: buscando rastros”. A última cita deste ano no Courel será o día 21 de agosto a partir das 11.00 da mañá no Museo Xeolóxico de Quiroga. A actividade de 2 horas de duración e cun límite de 30 prazas, leva por título “Viaxando na máquina do tempo: os animais de Ancares e Courel”.

A programación completa e as actividades dos Ancares poden consultarse no seguinte enlace, onde tamén se poden facer as inscricións.

A finalidade deste programa de actividades é dar a coñecer desde unha óptica vinculada á ciencia, e dirixida ao público en xeral, a riqueza e os valores naturais das montañas do Courel e os Ancares. Esta programación está aberta a todos os públicos. Nas actividades poden participar visitantes, estudantes, público familiar, escolares ou calquera persoa interesada en actividades que buscan un turismo singular e diferente.

ÚLTIMAS

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...