Iniciosociedade2.000 quilos de cereixas na XVII Festa da Cereixa e do Aceite...

2.000 quilos de cereixas na XVII Festa da Cereixa e do Aceite de Ribas de Sil

A cita terá lugar o 1 e 2 de xuño na Praia Fluvial de San Clodio e contará coa participación de 20 stands nos que tamén se poderá mercar mel, viño, pan, produtos da horta, licores ou artesanía.

Publicado o

- Advertisement -

A XVII Festa da Cereixa e do Aceite de Ribas de Sil reunirá a 20 stands de produtos autóctonos do Concello de Ribas de Sil. Ademais de 6 produtores de cereixas e de aceites, participarán produtores de mel, viño, pan, produtos da horta, licores ou artesanía. Poñeranse á venda máis de 2.000 quilos de cereixas e 300 litros de aceite.

A Deputación colabora con 6.000 euros nesta Festa. Darío Campos Conde subliñou durante a presentación, que “dende o organismo provincial colaboramos con estas citas gastronómicas e turísticas para impulsar os produtos autóctonos e o comercio local, en definitiva, para pór en valor o mellor de cada un dos municipios da provincia, ao mesmo tempo que promovemos a chegada de visitantes e dinamizamos a actividade das nosas vilas.”

O alcalde el funcións de Ribas de Sil, Miguel Ángel Sotuela Vega engadiu que “esta cita supón un importante reclamo turístico para coñecer o noso municipio e, en xeral, a nosa Comarca. Contamos coas mellores cereixas da zona e tamén cun aceite ecolóxico de gran calidade, un produto único de Ribas de Sil”.

programa de actividades

Para o sábado 1 de xuño está prevista a apertura do recinto feiral pola mañá ao redor das 10.00 h. e un pasarrúas do Grupo de Gaitas de Ribas de Sil amenizará este comezo de festa.

Xa pola tarde, ás 18:00 h., abrirase na Aula de Pesca unha exposición de pinturas a cargo dos alumnos da Escola Municipal e terá lugar unha xornada de pintura ao aire libre. Ás 19:00 h. celebrarase o 12º Trofeo da Cereixa de fútbol na Área Deportiva da Praia Fluvial e ás 20:30 h. un grupo musical amenizará o recinto feiral.

De cara ao domingo 2 de xuño, tras a apertura dos postos terá lugar ás 20:30 h. unha exhibición de aikido a cargo da asociación Aikido-Ourense e ás 11:00 h. o Grupo de Gaitas local fará un pasarrúas matinal. Para as 12:00 h. está programada a actuación da Banda de Música de Vilalba e ás 13:00 h. José Antonio Arias Parga, exfotógrafo do xornal El Progreso, dará o esperado pregón deste ano.

Xa pola tarde, ás 17:00 h., farase unha demostración de cantería a cargo do artesán José Luís López Rodríguez grazas á colaboración do Centrad da Deputación de Lugo, e ás 18:00 h. actuará o Grupo de Gaitas de Quiroga ‘O Recanto’.

O fin de festa correrá a cargo do artista Paco Nogueiras co seu espectáculo familiar de música e humor “Radio BuleBule” ás 19:00 h.

ÚLTIMAS

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...

O IES Daviña Rey e o CEIP Plurilingüe Monte Baliño contarán con Clubs de Lectura nas Bibliotecas

Un total de 431 centros escolares, 53 deles de nova incorporación como serán o...

Axudas para a reestruturación e reconversión das viñas

No DOGA do 26 de marzo publicouse a Orde da Consellería do Medio Rural...

6 empresas locais constrúen novas naves no Polígono dos Acivros, en Chantada

O alcalde de Chantada, Manuel Lorenzo Varela, vén de visitar o Polígono dos Acivros...