A Asociación Provincial de Empresario de Hostelría e Turismo de Lugo (APEHL), a través da súa delegación na zona sur da provincia de Lugo, vén de anunciar a posta en marcha dun curso gratuíto sobre pilates para hosteleiros.
Esta actividade ten como obxectivo a prevención de trastornos músculo-esqueléticos relacionados coa actividade profesional do sector hostaleiro, e está especificamente deseñado para os seus traballadores. O curso terá unha duración de 70 horas e será impartido os luns, martes e mércores en horario de 16:00 a 18:00.
O prazo de inscrición remata o día 18 de xuño e os interesados nesta actividade deberán chamar ao teléfono da delegación sur da APEHL (982 41 20 50), onde recibirán máis información.
