Homesociedade31 adegas participarán na XXV Cata dos Viños da Ribeira Sacra

31 adegas participarán na XXV Cata dos Viños da Ribeira Sacra

Un total de 67 caldos competirán en tres categorías: Brancos, tintos e outras anadas.

Publicado o

- Advertisement -

Os días 4 e 5 de xullo terá lugar a precata que precede a XXV Edición da Cata dos Viños da Ribeira Sacra. Este ano presentáronse un total de 67 viños, pertencentes a 31 adegas da denominación de orixe. Só poden participar na Cata os viños elaborados por adegas inscritas nos rexistros da Denominación de Orixe Ribeira Sacra que se estean a comercializar actualmente.

O certame está composto por tres categorías: unha de viños brancos, á que se presentaron 17 mostras; unha de tintos, con 32 participantes; e unha categoría dedicada aos caldos doutras anadas, con 18 exemplares. Para as dúas primeiras clases estableceranse tres premios: Medalla de Ouro, de Prata e de Bronce. Na doutras anadas entregaranse dúas Medallas de Ouro.

O xurado está composto por 11 especialistas da enoloxía e a viticultura. Valorarán as mostras que os técnicos do Consello Regulador recollerán durante os próximos días. Neste proceso, recollerán tres mostras ao azar do stock da adega e un notario precintaraas ata a celebración da Cata. Esta terá lugar o día 5, aproveitando o tradicional xantar de confraternidade que se vén organizando dende o Consello no Balneario de Pantón.

ÚLTIMAS

Novidosas sinalizacións lumínicas para pasos de cebra no Concello de Monforte

O Concello de Monforte vén de presentar a mellora viaria, con sinalizacións lumínicas en...

A Valedora admite unha queixa por ignorar o Concello de Monforte máis de 8 meses a un aspirante

Lembran desde FAC-USO que o 13/10/2023 convocouse un proceso selectivo para unha praza interina...

Do 27 ao 29 de xullo, festas na parroquia monfortina de Piñeira

O deputado de Mocidade, Daniel García, reuniuse coa Asociación de Festexos de Piñeira, que...

Finalistas da X edición do Concurso de Proxectos Empresariais Semente Ribeira Sacra

A esta X edición do Concurso de Proxectos Empresariais Semente Ribeira Sacra presentáronse 85...