IniciosociedadeA Asociación Albores inicia unha campaña informativa sobre a contratación de persoas...

A Asociación Albores inicia unha campaña informativa sobre a contratación de persoas con problemas de saúde mental

Trátase da primeira iniciativa destas características no sur de Lugo.

Publicado o

- Advertisement -

A partir do día 1 de xullo e durante todo o mes a Asociación Albores realizará unha serie de visitas a empresas do concello de Monforte de Lemos para ofrecerlles información sobre os incentivos á contratación de persoas con problemas de saúde mental. Trátase da primeira iniciativa destas características no sur de Lugo.

Así, as empresas recibirán información sobre o Servizo de Inclusión Sociolaboral, que comprende dous programas: O “Programa Inclúete no Emprego“, cofinanciado pola Unión Europea e a Xunta de Galicia (Programa Operativo FSE Galicia 2014-2020) e o “Programa Inclúe Emprego“, cofinanciado pola Consellería de Política Social da Xunta de Galicia en colaboración con FEAFES Galicia. Inclúen axudas para os empresarios como unha dedución no imposto de sociedades de ata 12.000 euros, subvencións para pago de salarios e bonificacións nas cotizacións á Seguridade Social.

A finalidade desta campaña é a de aumentar a inserción laboral das persoas con problemas de saúde mental, un eido no que a Albores leva anos traballando. Deste xeito, tamén desenvolverán accións de información a potenciais empregadores, emparellamento de ofertas e demanda, obradoiros que demande o empresariado para a aprendizaxe de ocupacións, formación en competencias dixitais, aprendizaxe de técnicas de busca de emprego e acompañamento nos procesos de incorporación á empresa se fose preciso.

ÚLTIMAS

Fin de semana de Fam Trip na Ruta do Viño da Ribeira Sacra

A Ruta do Viño da Ribeira Sacra celebra do 24 ao 26 de maio...

O alcalde de Bóveda na creacion da Comisión de Políticas de Auga, Medio Ambiente e Economía Circular

O alcalde de Bóveda, José Manuel Arias, participou recentemente en Madrid na reunión da...

Fotografías gañadoras do Certame ‘Fotoxénica Mente VII’ da Asoc. Albores

Xa se coñecer os gañadores e a gañadora do Certame de Fotografía "Fotoxénica Mente"...

Estudantes de Monforte e Vigo álzanse con tres premios da competición educativa Young Business Talents

Dous equipos de alumnado do IES San Tomé de Freixeiro (Vigo) e un grupo...