A Denominación de Orixe Ribeira Sacra vén de participar, un ano máis, no Mondial des Vins Extremes, celebrado no Val d’Aosta (Italia). Este certame premia os mellores viños de viticultura heroica, é dicir, aqueles producidos en rexións de montaña ou cunha altitude superior a 500 metros, pendente do terreo superior ao 30% e sistemas vitícolas de cultivo en terrazas.
Nesta edición a D.O. Ribeira Sacra presentaba 51 mostras, 44 de tintos e 7 brancos, de 35 adegas. O balance final foi amplamente positivo, pois obtivo 19 medallas: 12 de ouro e 7 de prata. Os premios entregaranse o 1 de decembro no Forte dei Bard, no mesmo Val d’Aosta. Alí acudirá un representante do Consello Regulador para recollelos e, posteriormente, entregarllos aos gañadores no xantar tradicional que a D.O. organiza a finais de ano.
Os premios levados polos viños da Ribeira Sacra foron os seguintes:
Viños brancos (2018)
- Medalla de Ouro: Viña Garoña (Adegas Viña Garoña), Vía Romana (Adegas e Viñedos Vía Romana) e Abadía da Cova (Adegas Moure S.A.).
- Medalla de Prata: ALMALARGA (Alma das Donas S.L.U.).
Viños tintos (2018)
- Medalla de Ouro: Viña Mezquita (José Manuel Vidas López), Viña Peón (Ernesto Rodríguez Pérez), Castrofiz Barrica (José Luis Pedreira), Don cosme (EDV 2015 S.L.), Finca Cuarta por Rubén Moure (Rubén Moure Fernández) e Regina Viarum (Regina Viarum S.L:).
- Medalla de Prata: Capador (Adega Tear), Val da Lenda (Víctor Manuel Rodríguez López), Don Bernardino (Don Bernardino S.L:), Tradición (Jorge Feijoo González), Malcavada (Araceli Vázquez Rodríguez) e Prómine (Bodegas Petrón).
Viños doutras anadas
- Medalla de Ouro: Regina Viarum Ecolóxico 2016 (Regina Viarum S.L.), Don Bernardino Finca Mezquita 2014 (Don Bernardino S.L.) e Condado de Sequeiras Barrica 2016 (Adega Condado de Sequeiras).
