Presentación de ofertas para xestionar o bar da área recreativa de Cadeiras

O Concello de Sober ten prazo aberto ata o 26 de agosto para presentar ofertas para a concesión da explotación do bar da área recreativa de Cadeiras, en Pinol.

Bar área recreativa Cadeiras / Concello de Sober

O contrato de xestión será anual e terá un custo de 120 euros sen IVE. O local conta con todos os servizos. O horario de apertura ao público será aproximadamente de luns a domingo de 12:00 a 20:00 horas.

Correrán a cargo do adxudicatario os gastos correntes derivados do funcionamento da actividade, como o consumo da electricidade, lixo e outros. Os interesados poden obter máis información no perfil do contratante da web institucional www.concellodesober.com ou no número 982 46 00 01.

O alcalde de Sober, Luis Fernández Guitián, califica a localización deste servizo como “un lugar moi emblemático do turismo da Ribeira Sacra, próximo ao Canón do Sil e ao miradoiro de Cadeiras e con vistas ao santuario.”

DEIXAR UN COMENTARIO

Please enter your comment!
Please enter your name here