O sorteo do Cuponazo da ONCE correspondente ao venres 6 de setembro e o da Lotería Nacional do pasado sábado, 7 de setembro, deixaron importantes premios no sur da provincia de Lugo.
O sorteo do Cuponazo da ONCE deixou premios que suman 200.000 euros entre as localidades de Lugo e Sarria. Juan Trebolle Navia vendeu un cupón premiado con 25.000 euros na localidade de Sarria.
Por outra banda, esegundo informa EFE, a Delegación Comercial de Loterías e Apostas do Estado na provincia de Lugo informou de que o número 19.116, 2º premio do sorteo especial de setembro, deixou un premio de 250.000 á serie na administración La Paz da localidade de Monforte de Lemos.
Con este mesmo número xogaba unha cafetería da vila de Quiroga, un número habitual que xoga todas as semanas na lotería nacional. Así, pois, sendo o premio de 250.000 euros por serie, algúns dos clientes deste establecemento foron agraciados con 25.000 € por cada décimo. O mesmo número foi vendido tamén na administración de Lotería desta localidade co cal seguramente haxa máis agraciados.
