No Punto Violeta tamén se incluirán carteleiras con varios consellos para previr a violencia sexual, así como material diversos de sensibilización (pañoletas, dípticos etc.) que se lle proporcionarán a todas aquelas persoas que visiten o Punto Violeta no San Mateo. Con esta campaña, apélase ó xogo de palabras “SEXOconSENSO” tanto como sinónimo de prudencia como de contar co consentimento expreso a hora de manter relacións.

Esta medida está recollida dentro do III Plan de Igualdade do Concello de Monforte como unha acción específica e que xurde tras un traballo de campo no que se detectou a necesidade de dar cobertura a este tipo de cuestións comezando ca elaboración dunha Guía para prever a violencia sexual.

Os días de festa, diversión, son días de alegría e emocións pero tamén son días que se levan ao extremo e quedan máis visibles ca nunca algunhas actitudes machistas que debemos eliminar da nosa sociedade.

O Punto Violeta estará nunha carpa personalizada, atendido por persoal especializado da Cruz Vermella e contempla uns obxectivos moi precisos en canto a violencia sexista:

• Concienciar e sensibilizar sobre o problema social e comunitaria que supoñen as agresións sexistas, dando información e asesoramento á poboación en xeral.
• Ofrecer un espazo seguro de atención e intervención fronte a posibles agresións sexistas, centrándonos no interese superior da vítima.