As obras desta pista de pádel realizáronse a través dun convenio coa Secretaría Xeral para o Deporte e contaron cun orzamento de 25.000 euros.
As instalacións serán de uso gratuíto e funcionarán a través dun club de Pádel local que xa está en fase de creación.
O Concello de Sober incrementa así as posibilidades deportivas para todos os veciños e veciñas, ás que se sumarán as actividades que oferta o ximnasio municipal, cuxo uso tamén é de balde.
A ESCOLA MUNICIPAL DE TEATRO DE SOBER
A Escola Municipal de Teatro de Sober vén de abrir o prazo de inscrición. Os interesados e interesadas poden anotarse ata finais do mes de setembro no Centro Sociocultural ou ben no teléfono 982 46 05 13. As clases darán comezo o venres día 4 de outubro ás 20:00 horas no Centro Sociocultural de Sober.
A Escola Municipal de Teatro de Sober afronta o seu quinto ano de vida. Neste tempo fixeron dez pezas da propia escola (seis de teatro adulto e catro de infantil), dúas colaboracións coa Escola de Música, actividades teatrais na Biblioteca (Día do Teatro, Día do Libro e Letras Galegas) e participaron nas dúas edicións do festival Escaleira Literaria de Sober.
