Esta IV Andaina Escolar polo Camiño de Inverno terá tres tramos. Un tramo de 9 quilómetros de Cereixa a Monforte, para os alumnos da ESO; un tramo de 5 quilómetros, de Reigada a Monforte para os alumnos de Primaria e un tramo dun quilómetro para os alumnos de Infantil que irá desde o Campo da Virxe en Monforte ata o Parque dos Condes.
A chegada ao Parque dos Condes está prevista ás 13.00, posteriormente os participantes serán entrevistados na radio e haberá duas sesións de títeres coa Compañía Viravolta, ás 13.00 h. e ás 13.30 h.
A cita, que organiza a Asociación Camiños a Santiago pola Ribeira Sacra conta co patrocinio do Xacobeo2021 e da Xunta de Galicia, terá lugar o día 2 de outubro e prevese que participen máis dun milleiro de rapaces, número ao que se chegou o pasado ano.
