ADIF ten a información pública dous proxectos para levar a cabo actuacións de mellora da vía do ferrocarril na provincia de Lugo.
Por unha banda, no treito Monforte-Lugo, entre os PP.KK. 396+299 ao 405+100 e o 413+517 ao 432+265, será necesaria a realización de expropiacións das propiedades situadas nos concellos de Sarria, Láncara, O Corgo e Lugo que se detallan no BOE. Estas expropiacións son necesarias para o proxecto de tratamento de elementos da infraestrutura como pontes e explanacións. Os terreos afectados poden consultarse no BOE do 25 de setembro.
E no BOE do día 24 publicábase a relación de propiedade afectadas polas expropiacións previstas para desenvolver o proxecto construtivo de renovación de vía do treito Ourense-Monforte de Lemos. Neste caso, os concellos da provincia de Lugo, afectados polo proxecto son os de Sober e Monforte de Lemos.
