Na actualidade repártense 1.688.447 quilos de alimentos entre nove centros de almacenaxe de Galicia e posteriomente entréganse a 439 organizacións asociadas de reparto, entre as que están asociacións, comedores sociais e concellos. Entidades que atenden a 58.094 persoas en situación de dependencia social e/ou económica.
| Segunda fase do Programa de Axuda Alimentaria 2019. Datos de Galicia | |||||
| Cantidade alimentos (kg) | Valor económico (€) | Nº de CAD | Entidades de reparto | Nº beneficiarios | |
| A CORUÑA | 490.074,56 | 481.873,89 | 3 | 109 | 17.048 |
| LUGO | 251.993,84 | 247.685,70 | 2 | 73 | 8.160 |
| OURENSE | 300.459,84 | 301.038,35 | 2 | 124 | 10.402 |
| PONTEVEDRA | 645.918,64 | 634.805,00 | 2 | 133 | 22.484 |
| TOTAL GALICIA | 1.688.446,88 | 1.665.402,94 | 9 | 439 | 58.094 |
O Ministerio de Agricultura, Pesca e Alimentación, a través do Fondo Español de Garantía Agraria (FEGA), puxo en marcha o “Programa 2019 de axuda alimentaria ás persoas máis desfavorecidas”, que se desenvolve en tres fases, dúas delas neste ano e a terceira no primeiro trimestre de 2020.
Os alimentos adquiridos son de carácter básico, variados, nutritivos, pouco perecedoiros, de fácil transporte e almacenamento. Entre eles, arroz, garavanzos cocidos, leite enteiro UHT, aceite de oliva, atún en conserva, sardiñas en conserva, pasta alimenticia, galletas, froita en conserva ou tarritos infantís de froita e de pito.
