O Concello de Sober conta este outono con catro novas áreas de lecer para nenos e maiores construídas todas elas nas parroquias da localidade. As catro están dotadas de xogos infantís e equipamento para actividades biosaudables.

As novas instalacións están emprazadas no núcleos da Vacariza e A Venda -na parroquia de Neiras-, en Casaniño -en Santa Cruz de Brosmos- e en Santiorxo, ao lado do campo da festa.

Estas catro últimas instalacións supoñen un investimento total de 40.000 euros. O financiamento corre a cargo do Concello e do Grupo de Desenvolvemento Rural Ribeira Sacra-Courel, nun 50%. Estas catro áreas súmanse a dúas máis abertas recentemente en Matamá e no Barrio de Figueiroá.