IniciosociedadeC@urel Vivo solicita medicións do gas radón

C@urel Vivo solicita medicións do gas radón

Courel Vivo solicitará no pleno deste mes medicións do gas radón en cada unhas das aldeas e das vivendas que o demanden.

Publicado o

- Advertisement -

Segundo o OMS este gas é un factor de risco do cancro broncopulmonar, pois en fogares con niveis elevados de radón existe máis do dobre de probabilidades de presentar cancro de pulmón. Hai dous mapas sobre a incidencia do Radón en Galicia (un do Ministerio e outro da Consellaría de Vivenda e Solo). Nun deles, o concello do Courel é unha zona de alto risco  e no outro aparece como un concello con risco medio.

Para tranquilidade da saúde da veciñanza, esta formación considera necesarias medicións por aldeas, así como en vivendas que o soliciten. Aseguran que esta situación pódese paliar con sinxelas medidas preventivas que diminúen esta concentración nos fogares e que a poboación debe coñecer: ventilación, practicar aberturas de aireación nos sotos…

A Organización Mundial da Saúde, OMS, ten en marcha un proxecto para instar aos gobernos a tomar políticas de redución do radón en edificios públicos e vivendas e a UE acaba de expedientar a España por non aplicar a normativa do radón. Nesta situación Courel Vivo solicita que se realice unha campaña informativa sobre os efectos do gas radón, incidencia e posibles
efectos, así como as medidas preventivas.
Piden que se midan os índices de gas radón que existen nos edificios públicos de ámbito municipal do Concello e que se promova a medición naqueles fogares que o soliciten, con medidas por parte do concello que reduzan o seu custe, como acordos coa USC, Ministerio de fomento ou a Consellaría de Vivenda e Solo.

ÚLTIMAS

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...

O IES Daviña Rey e o CEIP Plurilingüe Monte Baliño contarán con Clubs de Lectura nas Bibliotecas

Un total de 431 centros escolares, 53 deles de nova incorporación como serán o...