sociedade

Fabien provoca incidencias en Bóveda e Folgoso do Courel

O Servizo de Xestión Territorial da Deputación de Lugo atendeu na xornada deste sábado, 21 de decembro, un cento de incidencias nas estradas provinciais de 37 concellos por mor do temporal Fabien. A maioría das intervencións consistiron na retirada de árbores caídas na vía e na limpeza das estradas afectadas por desprendementos de terra.

Por

Redacción

22 Decembro, 2019

2019_1_31_55585s740x — Estrada da Deputación de Lugo afectada por inundacións na Pobra do Brollón. Arquivo | Fonte: Europa Press

As estradas que permanecen cortadas ao tránsito de vehículos neste momento son as LU-P-1701(Castro de Rei), LU-P-0901 (Bóveda) e LU-P-1102 (Cospeito) por asolagamentos;e LU-P-3502 (Navia de Suarna) e LU-P-1408 (Cervantes) por desprendementos de terra e arborado na estrada.

Entre as estradas provinciais afectadas polas incidencias na zona sur da provincia, a Deputación de Lugo actuou na LU-P-4505 (Folgoso do Courel) e LU-P-0901 (Bóveda).

No resto da provincia víronse afectadas a LU-P-1408 (Cervantes); LU-P-3502 e LU-P-1901(Navia de Suarna); LU-P-3601 (Negueira de Muñiz); LU-P-3701(As Nogais); LU-P-4504 (Pedrafita do Cebreiro); LU-P-1611 (Begonte, Friol, O Corgo, Guntín, Castro de Rei, Castroverde, Cospeito e Outeiro de Rei); LU-P- 0507 (Baralla); LU-P-0205, LU-P-3103, LU-P- 3101 (Mondoñedo); LU-P-3401, LU-P-3403 (Muras); LU-P-3809 (Ourol); LU-P- 3006 (A Pastoriza); LU-P- 3006 (Rábade); LU-P-5505, LU-P-5503, LU-P-5506 (Riotorto); LU-P-0104, LU-P-6507, LU-P-6509 (Vilalba); LU-P-1701 (Castro de Rei); LU-P-1102 (Cospeito);

Tamén foi preciso intervir en varias localizacións nos concellos de Antas de Ulla, Monterroso, Monforte de Lemos, O Saviñao, Becerreá, Lugo, Palas de Rei, Pantón, Quiroga, Sober e Ribas de Sil para atender incidencias provocadas pola caída de arborado nas vías.