A esclerose lateral amiotrófica, comunmente coñecida como ELA, é unha enfermidade neuromuscular que ten moitas consecuencias como son a debilidade muscular progresiva que avanza cara a parálise total do doente e onde a capacidade de falar, mastigar, tragar e respirar tamén se ven afetadas. Con todo, tanto a sensibilidade como a intelixencia non merman.

A maior parte dos doentes diagnosticados por ELA teñen idades comprendidas entre os 40 e os 70 anos e a porcentaxe de homes afectados e maior que a de mulleres. En España, uns 900 casos novos son diagnosticados cada ano; a esperanza de vida dende o diagnóstico é de 5 anos para un 80% dos doentes.

Por este motivo, o Concello de Monforte iluminará , o 21 de xuño, de cor verde a Torre da Homenaxe tras a solicitude da Asociación Galega de ELA co obxectivo de dar visibilidade á enfermidade.