IniciosociedadeOs museos de Quiroga reciben 7.000 visitas no 2019

Os museos de Quiroga reciben 7.000 visitas no 2019

Museo Etnográfico e Xeolóxico recibiron por separado unhas 3.500 visitas, sendo lixeiramente superior o número de visitas do Museo Etnográfico. A oficina municipal de turismo, pola súa banda, recibiu presencialmente a 4.300 persoas.

Publicado o

- Advertisement -

Ademais das visitas aos museos, a oficina de turismo atendeu presencialmente no 2019, a máis de 4.300 persoas que pedían información basicamente sobre Quiroga, destacando a demanda de información sobre o túnel romano de Montefurado, o Camiño de Inverno e o relacionado co aceite. O Courel e as rutas de sendeirismo tamén foron das informacións máis demandadas nesta oficina de turismo.

Os visitantes do concello de Quiroga son maioritariamente galegos, cun 29’57%; seguidos moi de preto por visitantes chegados dende Cataluña, 21’48%. Os madrileños que visitan Quiroga tamén ocupan unha porcentaxe importante, xa que acadan un 15’24%. Tamén se contabilizou un número importante de persoas estranxeiras, xa que o 10’48 % visitantes durante o ano 2019 procedían doutros países.

Con estes datos, aos que se lles suman as 22.000 visitas que recibiron os contidos turísticos da páxina web do Concello de Quiroga, confírmase o interese que o concello está espertando como lugar de turismo, sobre todo nos amantes da natureza, coa declaración de Xeoparque Mundial pola Unesco.

Museo Xeolóxico de Quiroga. Fonte: turismo.deputacion.lugo.gal

ÚLTIMAS

Últimos días para coñecer a exposición Entroido “Mobiliario Vestido”, na casa da cultura de Chantada

A casa da cultura do Concello de Chantada acolle ata o 30 deste mes...

Literatura, foliada e caldo en Saa, na Pobra do Brollón

Este sábado 30 de marzo á tardiña o Concello da Pobrado Brollón e a...

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...