Adicatorias con amor en Sarria

A Asociación de Comerciantes, Empresarios, Profesionais e Autónomos de Sarria (ACES)- CCU desenvolve desde o luns día 3 de febreiro ata o día dos namorados, a campaña promocional "Adicatorias con amor".

Rúa comercial de Sarria / Xornal de Lemos

Todos os clientes dos establecementos asociados da vila de Sarria que realicen algunha compra durante estes doce días, cubrirán os seus datos no tícket de compra e poderán gañar unha cea romántica para dúas persoas.

Sorteanse tres ceas para dúas persoas en establecementos de hostalaría asociados (Hotel Alfonso IX, Restaurante O´Descanso e Restaurante Roma). Unha das ceas sortearase aleatoriamente entre aqueles namorados que deixen a súa adicatoria á reporteira que percorrerá as rúas da vila e establecementos asociados recollendo as adicatorias dos namorados o día 14. As adicatorias sairán nas redes sociais do Centro Comercial Urbano de Sarria, igual que en edicións anteriores.

“Adicatorias con amor”, contou con gran acollida por parte do público da vila, en anos anteriores, e agardan o mesmo éxito para este ano.

DEIXAR UN COMENTARIO

Please enter your comment!
Please enter your name here