HomesociedadeIES A Pinguela, centro solidario

IES A Pinguela, centro solidario

O IES A Pinguela, a través do proxecto "IES A Pinguela, centro solidario", levou a cabo a entrega de tres ordenadores portátiles, á asociación sen ánimo de lucro "Un paso hacia el futuro", asociación de Monforte de Lemos que ten o obxectivo de integrar ás persoas con mobilidade reducida.

Publicado o

- Advertisement -

Os ordenadores entregados á asociación foron revisados, actualizados e preparados polo alumnado de segundo curso do Ciclo Medio de Sistemas Microinformáticos e Redes, que quixeron facer persoalmente a súa entrega para poder coñecer así á xunta directiva da Asociación, conversar sobre a experiencia do proxecto e ultimar detalles técnicos.

O proxecto “IES A Pinguela, centro solidario” nace fai anos co fin de que o alumnado poida apreciar os bens que se teñen, así como de comprender, valorar e apoiar a aquelas persoas que non dispoñen dos mesmos recursos, tentando afondar nos valores solidarios e difundir no alumnado un sentimento de voluntariado e de solidariedade cos demais.

IES A Pinguela solidario

O proxecto “IES A Pinguela, centro solidario” sitúase dentro do programa Rede de Centros Escolares Solidarios, pertencente ao Plan Proxecta, unha iniciativa da Consellería de Educación, Universidade e Formación Profesional, en colaboración con diferentes organismos, dirixida a fomentar a innovación educativa nos centros a través de programas educativos e elementos transversais, nos que se inclúe a educación en valores. Está dirixido por Diego Garrido Rivero, profesor de Informática e Responsable de Calidade do IES A Pinguela.

ÚLTIMAS

O folión de carros a ollos da infancia de Chantada

O próximo 24 de agosto celebrarase en Chantada o Folión de Carros, como é...

Torneo-Festa deportiva fin de tempada do C.V. Ribeira Sacra

Celebrouse unha xornada de confraternidade da familia do C.V. Ribeira Sacra, na que se...

O BNG e a ANPA do CPI Poeta Uxío Novoneyra demandan solucións á estrada LU-651

O BNG asegura que nestes días volveu caer parte desta estrada, e como solución...

Prazo aberto para solicitar as axudas para a creación de novas casas do maior

Como novidade, esta nova convocatoria inclúe unha axuda complementaria de 150 euros semanais durante...