Durante a semana do 6 ó 13 de febreiro, os alumnos do IES A Pinguela, coñeceron Turín
para visitar o seu Museo Exipcio, o segundo máis importante do mundo despois
do do Cairo, e o Museo do Cine, na Mole Antoneliana, á que subiron para
admirar a cidade, os Alpes e a fermosa e inmensa planicie padana; Milán,
capital económica do país, onde se asombraron co seu impoñente duomo gótico,
o Val de Aosta, a rexión que, entre montañas alpinas fai fronteira con Francia polo Mont Blanc.

A viaxe serviu para que os rapaces se coñeceran mellor, vivir outras experiencias, paisaxes e culturas. Os alumnos italianos devolverán a visita, achegándose a Monforte en abril. Desde a cidade del Cabe partirán para coñecer a Ribeira Sacra, as rías galegas e as principais cidades de Galicia.