O Círculo Saviñao acolle, este sábado, 22 de febreiro, o espectáculo “Diversións” dos compositores galegos Emilio Rúa e Rosa Cedrón. A cita será ás 23.00 h con entrada gratuita, para gozar con temas propios e versións de temas tradicionais.
Curso Lingua de Signos
A concellería de Cultura do concello do Saviñao organiza un curso de iniciación á lingua de signos, que se celebrará na biblioteca de Escairón todos os martes de marzo e abril. Os interesados poden formalizar a súa inscripción na Casa Consistorial ou chamando ao 982 45 20 61. Sen custe para os asistentes, o curso desenvolverase en horario de tarde, de 20:00 a 21:30 horas.
A edil responsable desta área, Beatriz Rois, agarda que esta iniciativa sexa todo un éxito, como tamén están a ser o curso de cociña ou o de defensa persoal. Precisamente, neste último, e debido á alta demanda e á petición das participantes, a entidade local decidiu ampliar esta formación ata o 21 deste mes.
