A Deputación mellorará os máis de 3,7 quilómetros desta vía investindo preto de 280.000€. Os traballos consistirán na mellora da drenaxe, pavimentación con aglomerado en quente, o pintado da vía e a reposición da sinalización. Terán un prazo de execución de 4 meses desde que se inicien os traballos.

A presidenta provincial, Carmela López, asegura que se trata dun arranxo moi demandado pola veciñanza, “porque a LU-P-1819 conecta as parroquias de Quinzán das Peras e Mondín. Dando servizo tamén a entidades de poboación importantes como Ferreiros, Nande ou Amorín”.