IniciosociedadeMonforte inaugura as xornadas Xira Mulleres

Monforte inaugura as xornadas Xira Mulleres

Este martes, 4 de marzo, comezou a primeira das actividades organizadas polo Concello de Monforte arredor do 8M, Día Internacional da Muller. O Centro Cívico acolleu a inauguración do Proxecto Xira Mulleres: “Encontra a túa ruta”, que se desenvolverá hoxe e mañá e que está dirixido a mulleres de 18 a 60  anos, tanto de Monforte coma de toda a comarca, vencelladas ó sector da alimentación e bebidas.

Publicado o

- Advertisement -

No acto inaugural estiveron presentes a 1ª Tenente de Alcalde do Concello, Gloria Prada, e o Deputado Provincial da Área de Promoción Económica e Social, Pablo Rivera, quenes estiveron acompañados por Ana Vallejo, profesora de Alma Natura que desenvolve ditas xornadas e pola Concelleira de Muller e Igualdade, Margarita López.

Este é un proxecto impulsado pola Fundación Coca Cola en colaboración coa Deputación de Lugo e co Concello de Monforte, e impartido por Alma Natura, para favorecer o empoderamento de 5 millóns de mulleres a través dunha formación especializada para guialas na toma de decisións da súa vida profesional e impulsar a súas ideas de negocio.

Os obradoiros formativos desenvólvense en dás sesión diferenciadas: en horario de mañá para mulleres desempregadas e emprendedoras (de 9:30 a 13.30 h), e en horario de tarde para mulleres empresarias (de 16 a 20 horas).

Durante a primeira sesión,Atopa a túa voz, trabállanse contidos que impulsen o empoderamento persoal das participantes (auto coñecemento e auto confianza), elementos necesarios para emprender ou potenciar os seus negocios. Ademais sensibilizarase ás mulleres da oportunidade que emprender pode supoñer ao seu futuro profesional, e como é importante repensar e adaptar os negocios para manteren  a súa competitividade no mercado.

A segunda sesión Atopa o teu negocio, destínase a detectar posibles ideas e negocios que poidan dar resposta ás necesidades do territorio, ou a detectar as posibles carencias que os negocios das mulleres empresarias poidan ter. Así, traballarase máis directamente sobre as ideas ou proxectos das mulleres participantes, para sacarlles o máximo partido e que poidan marcar unha diferencia no seu entorno.

Despois da formación presencial, as mulleres que queiran poderán continuar coa segunda etapa “Inicia a túa viaxe”, poderano facer a través da plataforma web www.giramujeres.com.

ÚLTIMAS

Literatura, foliada e caldo en Saa, na Pobra do Brollón

Este sábado 30 de marzo á tardiña o Concello da Pobrado Brollón e a...

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...